Partia Demokratike e Kosovës, dega Mitrovicë është e bindur në pafajësinë e kreu të shtetit Hashim Thaçi dhe atij të PDK-së, Kadri Veseli, pas publikimit të akuzës ndaj tyre si të dyshuar për krime lufte, raporton Ekonomia Online.

Vesa Broja, asambliste e Kuvendit Komunal nga radhët e PDK-së, në një konferencë për media ka thënë se s’mund të njolloste lufta e pastër e UÇK-së.

“PDK dega në Mitrovicë është e e bindur në luftën e pastër të UÇK-së dhe beson në pafajësinë e presidentit Thaçi dhe kryetarit të PDK-së Kadri Veseli”.

“Nuk mund të kalojë pa përmendur lajmin se ende pa u konfirmuar akuza tentohen të njollosen vlerat e UÇK-së. Tendenca të tilla janë të dënueshme”.

Broja më tej ka përmendur siç tha ajo skandalet që e kanë përcjell qeverisjen e Vetëvendosjes në këtë komunë.

“Shpresojmë që bashkëpunimi të jetë reciproke dhe në mbrojtje të interesave të qytetarëve”.

Ajo paraqiti dy propozime që grupi i PDK-së ka bërë në seancë e Kuvendit të mbajtur të enjten.

“Subvencionimi me nga 2000 euro për Sindrom Down Kosova dhe subvencionimi prej 1000 euro për shoqatat e dala nga lufta”.

Ajo foli për papërgjegjësinë e kryetarit Agim Bahtiri në seancën e Kuvendit Komunal.

“Është hera e dytë që nga kryetari tentohet që të kthehet në seance pikën e caktuar në të njëjtin rend dite”.

“Shqetësuese për ne është qasja e kryetarit Bahtiri që përmes arrogancës së tij të hyjë në projekte për veten e tij. Skandali i radhës në historinë e kuvendit është edhe kërcënimi për anëtarët e opozitës”.

Broja i ka bërë thirrje Prokurorisë që te merret me shkeljet e bëra nga kryetari Bahtiri.