![](https://www.gazetaexpress.com/public/uploads/image/1_1535887557-614254.jpg)
“Çfarë kërkon kjo shenjë në pjesën Veriore të Republikës së Kosovës? Këto ditë është shënuar kjo shenjë më të bardhë në fshatin Vllahi -Mitrovicë , Shalë të Bajgores nga ketu kufiri deri në Jarinë ka 50 kilometra, shenjë e ngjajshme sikur kufiri Holandë-Belgjikë!”, ka shkruar një qytetar i Mitrovicës dha ka publikuar foto.
![](https://www.gazetaexpress.com/public/uploads/image/2_1535887566-3897277.jpg)
“Kërkojmë sqarim nga Instucionet e Republikës së Kosovës së për qfarë arsye janë vendosur keto shenja në mesë të fshatrave shqiptare në pjesë Veriore të Kosovës!”, ka shtuar ai.
Ndërkohë, zyrtari i KFOR’it, Vincenzo GRASSO, i ka parë këto foto të shtunën. Është përgjigjur se me sa ka informacione këto shenja nuk janë të misionit ushtarak të NATO’s në Kosovë.
![](https://www.gazetaexpress.com/public/uploads/image/3_1535887575-116556.jpg)
“Me aq sa di unë, KFORI nuk ka të bëjë asgjë me këto shenja. Për herë të parë po i shoh. Jam i sigurt që këto shenja nuk janë vendosur nga NATO-ja. Unë pyeta nëse dikush di më shumë rreth kësaj dhe për çdo të re tjetër do të ju njoftoj”, ka thënë Grasso, për Gazetën Express.
Shqetësimet e banorëve të Mitrovicës për ndarjen dhe vendosjen eventuale të ndonjë kufiri atje vijnë në kohën kur po flitet mes Kosovës dhe Serbisë për ndryshim të kufijve.
![](https://www.gazetaexpress.com/public/uploads/image/4_1535887587-4767307.jpg)
Presidenti Thaçi e ka promovuar këtë ide prej fillimit të këtij viti, kur kishte dështuar të shfuqizonte Gjykatën Speciale dhe kishte nisur idenë e korrigjimit të kufirit me Kosovën.
![](https://www.gazetaexpress.com/public/uploads/image/5_1535887608-1222443.jpg)