Pastori amerikan, Andrew Brunson, i cili konsiderohet qendra e konfliktit në mes të Ankarasë dhe Uashingtonit, ka arritur në gjykatën e Turqisë për rifillim të gjykimit, pas akuzave të lidhura me terrorizëm.

Vëzhguesit janë duke pritur nëse ai do të lirohet meqë Shtetet e Bashkuar kanë kërcënuar me sanksione shtesë të rast të mbajtjes së Brunsonit në Turqi.

Seanca e katërt në rastin kundër pastorit amerikan mbahet të premten në qytetin Izmir.

Brunson, 50 vjeçar, mund të dënohet me 35 vjet burgim nëse shpallet fajtor për terrorizëm dhe spiunazh, përcjell REL.

Prokurorët e akuzojnë atë për kryerje të krimeve në emër të grupeve terroriste. Ata supozojnë se Brunson është i lidhur me grupin e militantëve kurdë që udhëhiqet nga kleriku turk që jeton në SHBA, Fethullah Gulen, të cilin Turqia e akuzon për orkestrim të tentimeve të dështuara për puç më 2016.

Brunson që ka jetuar në Turqi më shumë se dy dekada i mohon të gjitha akuzat.

Uashingtoni deklaron se ai është duke u mbajtur padrejtësisht nga autoritetet turke, në kuadër të arrestimeve dhe masave qeveritare pas puçit të dështuar.

Zëdhënësja e Departamentit amerikan të Shtetit, Heather Nauert u ka thënë gazetarëve më 11 tetor se Uashingtoni shpreson që ai të lirohet shumë shpejt.

Shtetet e Bashkuara kanë sanksionuar dy zyrtarë turq dhe kanë dyfishuar tarifat në importet turke të çelikut dhe aluminit.

Presidenti turk, Recep Tayyip Erdogan ka sfiduar kërkesat e SHBA-së për lirim të Brunsonit.

Megjithatë ai më herët ka përmendur ndonjë shkëmbim të mundshëm të Gulenit me Brunsonin.