Në Teatrin e Qytetit “Adriana” në Ferizaj po shënohet Dita e Dëshmorëve.
Shënimi i kësaj dite nisi me homazhe në varrezat e dëshmorëve nga ora 10:00, ndërsa tani po mbahet akademi përkujtimore me fjalime e pjesë artistike.
Pjesë e ngjarjes së organizuar nga kryetari i komunës së Ferizajt Agim Aliu, janë Organizata e Veteranëve të Luftës, deputetët si Rashit Qalaj dhe Elmi Olluri, përfaqësues të institucioneve lokale, si dhe familjarë të dëshmorëve e pjesëtarë të Ushtrisë Çlirimtare të Kosovës.
Gjatë ditës do të ketë edhe parakalim me motoçikleta në Jezerc dhe orë letrare në qytet.
Për nder të kësaj dite, komunarët e kanë pushim. Vendimi për këtë ditë pushim është paraparë edhe me statusin e komunës.