Ikona kroate, Luka Modriq, po duket i pandalshëm. Modriqi të dielën e luajti ndeshjen e 208-të me Kroacinë. Ai ka debutuar më 1 mars të vitit 2006 dhe shpejt është shndërruar në lider të kësaj përfaqësueseje.
Modriqi barazohet me Messin, a do ta sfidojë rekordin e Ronaldos?

Modriq tani ka ndeshje ndërkombëtare sa edhe Lionel Messi me Argjentinën. Më shumë se Modriqi ndeshje ndërkombëtare ka vetëm Cristiano Ronaldo i Portugalisë. Ronaldo i ka 234 ndeshje, ndërsa e ka përfunduar karrierën ndërkombëtare, njëjtë si Messi.
Rrjedhimisht Modriqi është lojtari aktiv me më së shumti paraqitje në nivel përfaqësuesesh.
41-vjeçari nga Zara të dielën udhëhoqi si kapiten Kroacinë në fitoren 2:1 ndaj Çekisë. E kompletoi ndeshjen e Ligës së Kombeve.
Modriqi po luan me sukses për Milanin në nivel klubesh. Me Kroacinë ishte nënkampion i botës në vitin 2018 dhe i treti në botë në vitin 2022. Po ashtu luajti në finale të Ligës së Kombeve në vitin 2023.
Fituesi i Topit të Artë nga viti 2018, ka shumë trofe me Real Madridin, ku kaloi ditët më të mira si mesfushor. Modriqi i ka edhe 30 gola për Kroacinë.
Ndeshja në të cilën Modriqi mund ta kalojë Messin në renditje, mund të jetë në mars. Dhe mund të jetë ndaj Kosovës.
















