Organizata për Rritjen e Cilësisë në Arsim (ORCA ka publikuar “Shportën e Studentit” – hulumtim se sa shpenzojnë studentët e UP-së, burimet e të ardhurave dhe si i kanë shpenzuar, raporton EkonomiaOnline.
Aty u bë e ditur se mesatarisht studentët e UP-së shpenzojnë rreth 150 euro në muaj.
Dibran Hoxha, autor i raportit shpjegoi hapat metodologjinë e hulumtimin, grupet pjesëmarrëse si dhe mbarëvajtjen e tyre.
Ndërsa Adea Kondirrolli dha detaje rreth pyetjeve, por edhe gjetjeve të raportit.
“Pagesa e semestrit, ndër më te lirat në Evropë dhe në rajon, për shumicën e studentëve ka qenë e përballueshme, shpenzime në literaturë, detyrim të profesorëve për blerje në libra, të vetmit që nuk detyrojnë studentët me ble libra, Fakulteti i Filologjisë, dhe i Mjekësisë. Disa udhëtojnë dhe kanë shpenzime më të larta, këto janë disa nga të gjeturat e hulumtimit. Nga ky hulumtim se shpenzime totale mujore variojnë nga 25 deri në 400 euro, dhe përgjigjja më e shpeshtë ka qenë 150 euro. Burimi i të ardhurave të studentëve kryesisht mbulohet nga familjarët’, tha ai.