Zëvendësministri në detyrë i Ministrisë së Punëve të Brendshme dhe Administratës Publike, Bajram Gecaj, vizitoi komunën e Pejës, ku u prit nga kryetari i kësaj komune,Gazmend Muhaxheri.

Në këtë takim,zëvendësministri Gecaj, nga kryetari Muhaxheriu njoftua më për së afërmi me punën dhe përpjekjet që janë duke u bërë në ketë komunë për luftimin dhe menaxhimin e situatës së pandemisë Covid 19.
Gjatë takimit u diskutua edhe për efektet që kanë masat më të reja të ndërmarra nga Qeveria e Republikës së Kosovës dhe Institucionet e saja për përballimin e kësaj pandemie.

Drejtuesve te komunës së Pejës, zëvendësministri Gecaj iu tha se Qeveria dhe institucionet e saja do tët’ju qëndrojnë sa më afër nëpërmjet bashkëpunimit dhe koordinimit për zhvillimin e  aktiviteteve  që kanë të bëjnë me përballimin e situatës.

Më pas, zëvendësministri Gecaj, i shoqëruar nga kryetari Muhaxhiri vizituan edhe stacionin rajonal të Policisë në Pejë, ku u pritën nga drejtori i Drejtorisë Rajonale Kolonel Sami Shabanaj. Në këtë takim Kolonel Shbanaj, vuri në dukje angazhimin shtesë të policisë në rajonin e Pejës, të cilët janë duke punuar  me orar të zgjatur me qëllim të  parandalimit dhe menaxhimit të pandemisë COVID 19.

Po ashtu Kolonel Shabanaj,  të pranishmit i njoftoj lidhur me mbështetjen që është duke e bërë policia e këtij rajoni në zbatimin e vendimeve të Qeverisë së Kosovës. Gjatë këtij takimi u tha se gjendja e përgjithshme e sigurisë është brenda parametrave normal.