Pas 55 ditësh, pacienti i parë i pranuar në repartin e Sëmundjeve Infektive të Poliklinikës Sant’Orsola në Bolonjë , një vajzë 23-vjeçare, është ende pozitive për Sars-Cov2.
Testi i fundit me tampon i realizuar në 16 Prill dha një rezultat pozitiv.
“Ne jemi duke e studiuar atë me kujdes. Me sa dimë, askush tjetër në Itali nuk ka qëndruar pozitiv për kaq gjatë. Zakonisht pozitiviteti nuk i kalon katër javë”, shpjegon infektologu i Sant’Orsola Luciano Attard.
Ai shpjegon më të tej se gjendja shëndetësore e pacientes u përmirësua shpejt, vetëm katër ditë pas shtrimit në repartin e Infektivit, por tamponi del akoma pozitiv.
“A jam bërë një çështje kombëtare? Tani unë qesh me këtë” – thotë 23 vjeçarja.
“Pres që punonjësit e shëndetit publik të më paraqesin teste më të hollësishme të gjakut, analizat serologjike” shton më tej ajo.
Specialisti i sëmundjeve infektive tha se e reja “nuk kishte kaluar asnjë terapi”.