Presidenti amerikan Donald Trump tha të enjten se planifikon të diskutojë për inteligjencën artificiale me liderin kinez Xi Jinping gjatë vizitës së tij shtetërore në Washington, shkruan CNN.

“Një ditë e madhe me presidentin Xi të Kinës. Super Inteligjenca (SI) do të jetë një temë e madhe diskutimi, por dua ta lë pikërisht aty ku është”, shkroi Trump të enjten në Truth Social, duke përdorur një term që së fundmi e ka përdorur për t’iu referuar inteligjencës artificiale. “Ky është edhe qëndrimi i Kinës. Masa jonë mbrojtëse është Departamenti i Drejtësisë (DOJ)!”

Trump thekson shpesh rëndësinë e të qenit përpara Kinës në fushën e inteligjencës artificiale, duke thënë së fundmi se SHBA-ja “po udhëheq ndaj Kinës në AI… dhe sinqerisht, dua që të mbetet kështu, sepse kushdo që fiton AI-n, fiton”.

Vizita, ndonëse sapo ka filluar, deri tani ka qenë e ngrohtë mes dy liderëve. Trumpi e priti Xi-n dhe bashkëshorten e tij kur ai u ul në Joint Base Andrews të mërkurën në mbrëmje.

“E takova presidentin Xi te avioni (Aeroporti!) dje dhe ai duket i fortë, plot gjallëri dhe në formë – më mirë se kurrë”, shkroi Trumpi të enjten në mëngjes. “Zonja Xi, sigurisht, E BUKUR!”