Negociatori i Bashkimit Evropian për Brexit, Michel Barnier, ka thënë se kërkesat e Britanisë së Madhe janë të papranueshme.
Sipas tij sugjerimet e Qeverisë së Britanisë së Madhe për ndryshime të marrëveshjes së tërheqjes së Brexit duke qenë të papranueshme e bëjnë edhe më të vështirë që të shihet se si mund të gjendet një zgjidhje.
“Ne respektojmë vendimin e Britanisë për ta lënë BE-në, për të lënë tregun, për të lënë Bashkimin Doganor”, ka thënë Barnier në konferencë të përbashkët me Ministrin e Jashtëm të Gjermanisë, Heiko Mass.
Ai ka thënë se negociatat mes Britanisë së Madhe dhe BE-së janë në një fazë shumë sensitive.