Departamenti amerikan i Shtetit të premten ka urdhëruar ngrirje gjithëpërfshirëse të fondeve të reja për pothuajse gjithë ndihmën e huaj të SHBA-së, duke bërë përjashtime për programet e ushqimit dhe ndihmën ushtarake për Izraelin dhe Egjiptin.
Urdhri kërcënon për një ndalim të shpejtë të miliarda dollarëve në projektet e financuara nga SHBA-ja në nivel global për të mbështetur shëndetësinë, arsimin, zhvillimin, anti-korrupsionin, sigurinë dhe sektorë të tjerë, raportoi AP.
SHBA-ja ofron ndihmë për botën më shumë se çdo vend tjetër, duke dhënë rreth 60 miliardë në vitin 2023, ose 1% të buxhetit të SHBA-së.
Urdhri i Sekretarit të Shtetit, Marco Rubio, iu dërgua ambasadave amerikane nëpër botë, përveç aty ku ka programe urgjente për ushqim, si në Sudan.
Disa prej projekteve të ndihmës nisën të ndalonin menjëherë pasi urdhri u dha të premten.