Fillon gara për kryeministër në Mbretërinë e Bashkuar, këta janë kandidatët

Pas njoftimit të Kryeministres Theresa May se do të japë dorëheqje muajin e ardhshëm, gara për t’i zënë vendin asaj ka filluar.

Kjo garë nuk do ta nxjerrë vetëm një lider të ri partiak, por edhe në kryeministrin e ardhshëm të Mbretërisë së Bashkuar.

Brenda Partisë Konservatore presin që një udhëheqës i ri të zgjedhet deri në fund të korrikut, shkruan BBC, transmeton Klan Kosova.

Më poshtë mund t’i gjeni emrat e katër personave që e kanë konfirmuar kandidaturën e tyre:

1. Sekretari i Jashtëm, Jeremy Hunt.
2. Sekretari i Zhvillimit Ndërkombëtar, Rory Stewart.
3. Ish Sekretari i Jashtëm, Boris Xhonson.
4. Ish-sekretarja e Punës dhe e Pensioneve, Esther McVey.