Fundoset varka me emigrantë në Libi, 30 të zhdukur

Si pasojë e zhytjes së një barke e cila po bartte emigrantë në afërsi të qytetit Sabratha, i cili ndodhet në Libi, të paktën 30 persona janë zhdukur.

Sipas një të mbijetuari, varka ishte e mbushur me pothuajse 50 emigrantë, shkruan Euronews, transmeton Klan Kosova.

Ekipet e shpëtimit kanë arritur të shpëtojnë 16 emigrantë. Ndërsa autoritetet kanë bërë të ditur se të paktën 10 persona kanë humbur jetën gjatë këtij incidenti.

Kujtojmë se bregu perëndimorë i Libisë është një pikënisje kryesore e emigrantëve që synojnë të arrijë në kontinentin e Europës.