Njëmbëdhjetë alpinistë janë gjetur të vdekur pranë kraterit të vullkanit Marapi të Indonezisë pasi shpërtheu gjatë fundjavës, thonë ekipet e shpëtimit.

Tre persona u shpëtuan të hënën. Kërkimet për 12 të tjerë të zhdukur janë pezulluar për shkak të një shpërthimi të vogël.

Ishin 75 alpinistë në zonë në kohën e shpërthimit, por shumica u evakuuan në mënyrë të sigurt, raporton BBC, transmeton Klankosova.tv.

Mali Marapi, një nga 127 vullkanet aktive të Indonezisë, hodhi hirin deri në 3 kilometra në ajër të dielën.

Autoritetet kanë vendosur nivelin e dytë më të lartë të alarmit dhe kanë ndaluar banorët të shkojnë brenda 3 kilometrash nga krateri.