Ministria e Jashtme kineze ka thënë se Kryqi i Kuq i saj do të ofrojë 10 milionë juanë shtesë (1.4 milionë euro) ndihmë humanitare për Ukrainën.

Kjo vjen pas paralajmërimit të presidentit amerikan Joe Biden për “pasojat” e çdo ndihme që Kina mund t’i japë përpjekjeve të Rusisë për luftën në Ukrainë.

Kjo mund ta detyrojë presidentin kinez Xi Jinping të zgjedhë midis një marrëdhënieje të gjatë fitimprurëse tregtare me Perëndimin dhe një partneriteti strategjik në rritje me Moskën, përcjell Klankosova.tv

Biden mbajti një video-telefonatë gati dyorëshe me Xi Jinpingun të premten, me Shtëpinë e Bardhë që konfirmoi se sanksionet ndaj Kinës ishin një opsion.