Kriza në Venezuelë, ushtarët braktisin detyrën në kufirin me Kolumbinë

Ushtarët nga roja kombëtare venezueliane kanë lënë detyrën e tyre në kufi pas përpjekjeve të disa personave për të sjellë ndihma në vend nga Kolumbia, tha agjencia e migrimit e Kolumbisë.

Trupat e Venezuelës kanë hedhur gaz lotsjellës në drejtim të atyre që kërkonin të kalojnë kufirin drejt Kolumbisë, njofton Klan Kosova.

Tensionet janë duke u rritur edhe pas tentimit për të sjellë ndihma humanitare në Venezuelë.

Presidenti Nicolás Maduro tha se kufiri me Kolumbinë është pjesërisht i mbyllur për të ndaluar ndihmat.

Por presidenti i përkohshëm i vetëdeklaruar, Juan Guaido, është zotuar se qindra mijëra vullnetarë do të ndihmojnë të vijnë ndihmat e dërguara për ata, që përfshijnë ushqim dhe ilaçe.

“Ndihmat e para tanimë kanë hyrë në Venezuelë përmes Brazilit” tha në Guaidó në Twitter.

Disa video në internet tregojnë se ushtarët kërkojnë ndihmë nga agjencia e migracionit kolumbian.

Mediat lokale raportojnë se njerëzit po hedhin barrikadat për të kaluar kufirin Venezuelë-Kolumbi, ndërsa deputetët e opozitës kanë postuar mesazhe në mediat sociale duke denoncuar përdorimin e forcës.