Kroacia ka regjistruar numrin më të madh të rasteve të reja me koronavirus që nga fillimi i pandemisë. Në Kroaci në 24 orët e fundit janë regjistruar 369 raste të reja, duke çuar shifrën totale të rasteve aktive me koronavirus në 2634.

Nga ta janë 15 pacientë në respiratorë. Po ashtu në 24 orët e fundit kanë vdekur tre persona. Numri total i të vdekurve në Kroaci ka arritur në 194. Ndërkohë janë infektuar 11.094 persona, e janë shëruar 8266.

Në Slloveni ndërkohë janë regjistruar 53 raste të reja me koronavirus nga 1653 teste.