Masakron për vdekje motrën me thikë, ia hedh fajin të dashurit të saj

Një 22-vjeçare nga Rusia akuzohet se ka masakruar motrën e saj 17-vjeçare nga xhelozia.

Elizaveta Dubrovina ka kaluar 3 vite në trajtim psikiatrik dhe tani do të dalë para gjyqit për të marrë dënimin. Nëse gjendet fajtore, rrezikon 25 vite burg.

Stefania u godit me thikë 189 herë në Shën Pjetërsburg. Elizaveta gjithmonë e ka mohuar vrasjen dhe akuzon për masakrën të dashurin 44-vjeçar të motrës së vogël, e cila u gjet e vdekur në apartamentin e tij, transmeton “Balkanweb”.

Por, prokurori thotë se burri është dëshmitar dhe nuk ka asnjë dyshim për të.

Elizaveta, e cila ishte 19 vjeç kur kreu masakrën e motrës së saj, akuzohet për “vrasje në rrethana mizore”, pasi përveçse e ka goditur me thikë shumë herë, i ka nxjerrë sytë dhe i ka prerë edhe veshët motrës shkruan Daily Mail.