Mbi 29 mijë njerëz ikën nga Ukraina, Polonia “strehë” e tyre pas sulmit nga Rusia

Prishtinë | 25 Shk 2022 | 14:44 | Nga Ekonomia Online

Polonia po sheh një rritje të madhe të njerëzve që vijnë nga Ukraina teksa njerëzit ikin nga pushtimi rus.

Kështu ka thënë Stanisłaë Żaryn, zëdhënës i zyrës së koordinatorit të ministrit të shërbimeve speciale.

Żaryn tha se gjatë 24 orëve të fundit, ka pasur “rritje të trafikut në kufi” dhe se “29,000 njerëz kanë kaluar nëpër pikat kufitare nga Ukraina”, shkruan CNN.

Duke folur për transmetuesin polak Radio Plus, Żaryn tha se rreth gjysma e atyre që kalojnë kufirin kanë thënë se po ikin nga lufta.

“Këta janë njerëz që duhet të konsiderohen si refugjatë lufte. Këta njerëz do të pranohen në Poloni në përputhje me të gjitha procedurat”, tha ai.

Polonia po përgatitet për një valë më të madhe refugjatësh, me qeverinë polake që po përgatitet t’i strehojë ata duke ngritur qendra pritjeje pranë kufirit për të ndihmuar në përpunimin e atyre që vijnë nga Ukraina.

Të ngjashme