Pas sulmeve të fundit me dronë ukrainasë ndaj rafinerisë kryesore të naftës në Moskë, Kremlini dhe makineria e tij propagandistike kanë nisur përpjekjet për të minimizuar dëmet dhe për të kontrolluar informacionin që arrin te qytetarët rusë.

Sulmet goditën disa njësi përpunuese të rafinerisë së Gazprom Neft në Moskë dhe shkaktuan zjarre në objekt, ndërsa burime të industrisë raportuan dëme në njësinë Euro+ dhe në pjesë të tjera të infrastrukturës. Rafineria ka rëndësi të veçantë për furnizimin me karburant të kryeqytetit rus.

Megjithatë, në vend që të pranojnë përmasat e dëmit dhe cenueshmërinë e mbrojtjes ajrore të Moskës, autoritetet ruse dhe komentatorët pro-Kremlinit po fokusohen te ndalimi i pamjeve që dëshmojnë realitetin në terren. Sipas raportimit të Current Time, për të cilin flet gazetari Andrei Cherkasov, po kërkohen masa të ashpra kundër qytetarëve që publikojnë në internet video të zjarreve, tymit dhe rrënojave pas sulmeve. /REL