Mbrëmja e së martës ishte tragjike për 32-vjeçarin Arlind Ibrahimi. Ai u gjet pa shenja jete në një banesë te ‘Kullat e arabëve’ në lagjen Kalabria (ish-Emshir). Pas konstatimit të vdekjes nga ekipi mjekësor, në vendin e ngjarjes doli edhe Policia.

Njësitet policore posa morën informatën se një person është gjetur pa shenja jete në lagjen Kalabria, dolën menjëherë në vendin e ngjarjes për të bërë ekzaminimet e nevojshme.

Sinjali mëson se gjatë kontrollit të vendit se ku ndodhi ngjarja, Policia ka gjetur dhe ka sekuestruar edhe substancë të dyshuar narkotike.

Me urdhër të prokurorit, trupi i pajetë i 32-vjeçarit është dërguar në Institutin e Mjekësisë Ligjore për obduksion.

Nga hetuesit është intervistuar edhe shoku i Arlindit, i cili ndodhej në banesë me 32-vjeçarin dhe që ka njoftuar Emergjencën se këtij të fundit i nevojitet ndihmë mjekësore.

Arlind Ibrahimi ishte muzicient i njohur nga qyteti i Gjilanit.

Tragjike: Gjendet pa shenja jete një i ri në lagjen Emshir, ekipi i Emergjencës konfirmon vdekjen

Vdekja e 32-vjeçarit në Emshir/ I riu ishte pa ndjenja, shoku i tij njoftoi Emergjencën

Zbulohet identiteti i të riut që u gjet pa shenja jete mbrëmë në Emshir.