Nisin përgatitjet për dekorimin e Prishtinës për festat e fundvitit

Prishtinë | 13 Nën 2026 | 12:35 | Nga Floresa Shala

Përgatitjet po bëhen për krijimin e atmosferës festive dhe dekorimin e hapësirave publike para festave të fundvitit.

Ndërsa Kryetari i Prishtinës, Përparim Rama përmes një postimi në Facebook ka bërë të ditur se ka dalë në terren së bashku me drejtorët e Komunës, për të parë nga afër punimet dhe mënyrën se si do të përshtatet sheshi për festat.

Ai ka theksuar se Prishtina do të jetë vend i festës dhe pozitivitetit gjatë kësaj periudhe.

Postimi i plotë:

GATI ME IA DHANË PRISHTINËS SHKËLQIMIN E FESTAVE PËR FUNDVIT

Mos me na pas blloku Qeveria Kurti jashtëligjshëm për dy vjet, sot sheshi “Xhorxh Bush” kish qenë i përfundum.

Sidoqoftë, bllokadat e tyre nuk kanë me me i penalizu qytetarët. Prandaj, sot dola në terren bashkë me drejtorët e Komunës, me pa nga afër qysh me e përshtatë sheshin për festat e fundvitit.

Ata blloko, na gjej alternativa!

Vazhdojmë!

Prishtina ka me qenë vend i festës dhe i pozitivitetit.

Të ngjashme