Biokimistja me origjinë hungareze Katalin Karikó, e cila ishte pjesë e vendimit në zhvillimin e vaksinës së koronavirusit Pfizer-BioNTech, është bërë Qytetare Nderi e Szeged, qytet në të cilin ajo kishte filluar studimet universitare, raporton euronews.

Karikó, e cila njëherësh është nënkryetare e BioNTech, u bë e njohur për punën e saj me teknologjinë RNA, e cila përdoret në vaksinat Pfizer dhe Moderna COVID.

Me këtë rast, studiuesja në fjalë ka pohuar se ka bërë gjithçka është e mundur në luftën e saj profesionale kundër pandemisë COVID-19, dhe se tani do të kthehet në projektet e saj të mëparshme, siç është krijimi i një vaksine kundër kancerit.

“Mendoj për momentin, duke testuar variante të reja dhe, nëse është e nevojshme, duke bërë një vaksinë të re, por që kjo mund të bëhet nga kolegët e mi”, ka thënë ajo, duke shtuar po ashtu se tashmë synimet e saj janë të fokusuara në zbulimin e një vaksine kundër kancerit.

“Unë dua të përqendrohem në krijimin e ARN që kodifikon proteina terapeutike që do të ndihmojnë në shërimin e plagëve, kockave ose që do të ndihmojnë në kurimin e pacientëve me kancer”.

Përndryshe, Katalin Karikó ishte zhvendosur në Shtetet e Bashkuara gjatë 1980, po para kësaj, ajo kishte studiuar në Universitetin e Szeged në Hungarinë Jugore, dhe më pas kishte bërë Doktoraturën në Qendrën e Kërkimeve Biologjike Szeged.

Ndërkaq, përveç që asaj iu dha statusi i Qytetarit të Nderit dhe shumë çmime të tjera për arritjet e saj profesionale, biokimistja Karikó, tani është në garë edhe për çmimin Nobel të këtij viti.