Liderët botërorë në mbarë botën kanë shënuar përvjetorin e gjenocidit të pakicës etnike Tutsi. Charles Michel, presidenti i Këshillit Evropian, pranoi përgjegjësinë, një lloj bashkëfajësie nga ana e komunitetit ndërkombëtar – i cili mbeti i palëvizshëm, mbylli sytë – në këtë moment të errët të historisë njerëzore, shkruan euronews.

Ai vazhdoi duke thënë: “Detyra për të kujtuar, është mbi të gjitha një kërkesë. Është të kujtosh, të mos harrosh. Ka të bëjë me mësimin nga gabimet tona, të përpiqemi të hapim një botë më të ndritur”.

Presidenti francez, Emmanuel Macron, i cili nuk ishte i pranishëm në ceremoni, përsëriti gjithashtu të dielën se Franca, aleatët e saj perëndimorë dhe afrikanë “mund të kishin parandaluar” masakrën, e cila vrau rreth 800 mijë njerëz, duke theksuar se kishte mungesë “vullneti”.

Ruandezët po përkujtojnë 30 vjet nga gjenocidi në të cilin u vranë rreth 800 mijë njerëz nga ekstremistët e mbështetur nga qeveria, duke shkatërruar vendin e vogël të Afrikës Lindore që vazhdon të përballet me trashëgiminë e tmerrshme të masakrave.

Ruanda ka treguar rritje të fortë ekonomike në vitet që pasuan, por plagët mbeten.