Moska dyshohet se po përgatitet të urdhërojë mobilizimin e 500 mijë rekrutëve shtesë në janar – pasi 300 mijë u thirrën për të luftuar në tetor.

“Mobilizimi i pjesshëm” fillestar i rezervistëve rusë ndezi panik në të gjithë vendin dhe bëri që mijëra të rinj rusë të iknin nga frika se mos thirreshin.

Vadym Skibitsky, zëvendës shefi i inteligjencës ushtarake të Ukrainës, u raportua nga The Guardian duke thënë se këta rekrut mund të jenë pjesë e sulmeve në pranverë dhe verë.

Ukraina beson se këto ofensiva ka të ngjarë të jenë në lindje dhe jug, shkruan Skynews.

Megjithatë, Moska ka mohuar se po përgatitet për një valë të re mobilizimi.

Vladimir Putin tha në dhjetor se ishte “e pakuptimtë” të konsiderohej një thirrje e re, pasi vetëm gjysma e atyre që u mobilizuan në tetor po luftojnë në Ukrainë.

Por ka pasur pretendime të përsëritura nga agjencitë perëndimore se Moska ka vazhduar me mobilizimin “të fshehtë”.

E fundit vjen pasi Rusia u akuzua për thyerjen e armëpushimit të saj 36-orësh, i cili ishte thirrur për periudhën e Krishtlindjeve Ortodokse.