Oleksandr Prokudin, kreu i administratës rajonale ushtarake në Kherson, thotë se të paktën tetë vendbanime të ndryshme në zonë janë përmbytur tashmë pas shkatërrimit të digës dhe autoritetet po përgatiten për më shumë përmbytje në të gjithë rajonin.

Ai thotë se të paktën 16,000 njerëz janë në rrezik nga përmbytjet, shkruan BBC, transmeton Klan Kosova.

Banorët në rajonet e rrezikuara po evakuohen me autobusë për në Kherson, më pas ata do të zhvendosen në qytete të ndryshme në të gjithë vendin duke përfshirë kryeqytetin, Kiev, thotë Prokudin në një postim në Telegram.

Një tren evakuimi do të niset nga Kherson për në qytetin jugor të Mykolaiv në mesditë, shtoi ai.