Spiunja ruse do të lirohet nga burgu amerikan për t’u kthyer në shtëpi

Maria Butina e cila u arrestua gjatë muajit prill nga autoritetet amerikane nën dyshimin se po kryente shërbime spiunimi, pritet të lirohet nga burgu për t’u kthyer në Moskë.

Kështu ka deklaruar ministria e Jashtme e Rusisë, në kanalin zyrtar të mesazheve, shkruan Reuters.

“Më 25 tetor, Maria do të transferohet nga burgu federal në Tallahassee të Floridës, në qendrën e migracionit në Miami, nga ku do të fluturojë për në Moskë në të njëjtën ditë”.

E dyshuara në fjalë u dënua me 18 muaj burgim pasi e pranoi fajësinë se ishte munduar të ndikojë një grup të të drejtave të armëve dhe të ndikojë mbi aktivistët konservatorë amerikanë.