Bregu Perëndimor i Australisë po përgatitet për një nga stuhitë më të fuqishme të dekadës.

Shiu i rrëmbyeshëm dhe erërat e fuqishme kanë krijuar dallgë deri në tetë metra të larta. Stuhia e fuqishme është formuar nga cikloni tropikal Mangga, që është përplasur me temperaturat e ftohta.

Byroja e Meteorologjisë ka bërë të ditur se kjo është një prej stuhive më të fuqishme të dhjetë vjetëve të fundit dhe ka bërë thirrje për evakuimin e shtetit të Perthit. Raportohet se mbi 30 mijë shtëpi e biznese kanë mbetur pa energji elektrike në këtë shtet.

Erërat pritet të lëvizin me shpejtësi deri në 130 kilometra në orë. Kjo stuhi pritet të vazhdojë edhe gjatë së hënës.