Ukraina pretendon se ende mban një pjesë të qytetit të rrethuar Bakhmut

Forcat ukrainase ende kontrollojnë skajin jugperëndimor të qytetit Bakhmut, tha zëvendësministrja e Mbrojtjes e Ukrainës, Hanna Maliar.

Forcat e Kievit kanë bërë disa përparime “në në veri dhe në jug të Bakhmutit” dhe trupat ruse po vazhdojnë të pastrojnë zonat që ata kontrollojnë, shkroi Maliar në aplikacionin e mesazheve Telegram.

Rusia ka pohuar se ka pushtuar plotësisht Bakhmutin e Ukrainës, ndërsa presidenti Vladimir Putin më herët përgëzoi trupat e tij dhe grupin mercenar Wagner për marrjen e qytetit.

Bakhmut, një qytet minierash kripe që dikur kishte një popullsi prej 70,000 banorësh, ka qenë skena e betejës më të gjatë dhe më të përgjakshme në luftën 15-mujore të Rusisë në Ukrainë, shkruan Al Jazeera.