Presidenti që doli nga zgjedhjet e para të lira në Tunizi, Caid Essebsi ka vdekur në moshën 92-vjeçare, ka njoftuar presidenca e vendit.

Ai ishte presidenti më i vjetër në botë. Essebsi u pranua në spital të mërkurën, por zyrtarët nuk treguan se për çfarë sëmundje po merrte trajtim.

Essebsi fitoi zgjedhjet e para të lira të Tunizisë në 2014 pas kryengritjeve arabe në të gjithë rajonin.

Këtë vit, ai njoftoi se nuk do të kandidonte në zgjedhjet e pritura në nëntor.

Essebsi ishte shtruar në spital edhe muajin e kaluar pas vuajtjes së asaj që zyrtarët thanë se ishte një “krizë e rëndë shëndetësore”.

Ata nuk dhanë detaje të mëtejshme për gjendjen e tij.

Kryeministri Youssef Chahed, i cili e vizitoi atë në spital, u kërkoi njerëzve që të ndalonin përhapjen e “lajmit të rremë” rreth gjendjes së tij.