Në Vushtrri, sot do të ketë ndërprerje të energjisë elektrike.

Këtë e bëri të ditur KOSTT me anë të një njoftimi.

Nga KOSTT  thonë se në NS 110/35 kV Vushtrri 1 do të realizohet një remont i planifikuar dhe për këtë duhet të shkyçet rryma sot nga ora 10:00 deri në 14:10.

“Për të mundësuar kushte të sigurisë në punë për realizimin e punimeve të planifikuara në NS 110/35/10 kV Vushtrri 1, me datë 7 Korrik 2019 (E Dielë), nga ora 10:00 deri në 14:10 do të bëhet shkyçja e Nënstacioneve 110/35 kV Vushtrri 1 dhe 110/35/6.3 kV Trepça”.

“Gjatë kësaj kohe, qytetarët/institucionet që furnizohen nga këto Nënstacione do të mbesin pa furnizim me energji elektrike (redukimi i parashikuar 10 MË kryesisht në NS Trepça) si dhe HC Hidroline (Selac)”.

“Shkyçja është e domosdoshme për të mundësuar remontin e rregullt të transformatorit T1 në NS Vushtrri 1 si dhe rehabilitimin e këtij Nënstacioni.Punimet në fjalë, do të ndikojnë në mirëmbajtjen e aseteve të transmisionit dhe rritjen e stabilitetit dhe sigurisë së furnizimit me energji elektrike nga aspekti i transmisionit”, thuhet në njoftimin e KOSTT.