Masa të rrepta sigurie para shpalljes së aktgjykimit në rastin “Banjska”

Gjykata Themelore në Prishtinë ka njoftuar se sot, më 24 prill, do të shpallet aktgjykimi për rastin “Banjska”, nën masa të shtuara sigurie

Seanca e shpalljes së vendimit pritet të nisë në orën 15:00, ndërsa autoritetet kanë vendosur masa të rrepta sigurie për mbarëvajtjen e procesit, siç shihet në pamjet e Ekonomia Online.

Në fjalën përfundimtare, Prokuroria Speciale e Kosovës javën e kaluar ka kërkuar dënim me burgim të përjetshëm për të akuzuarit Vlladimir Tolliq, Bllagoje Spasojeviq dhe Dushan Makismoviq.