Komuna e Prishtinës ka njoftuar se 3 200 metra rrugë, me gjerësi 5,5 metra, janë ndërtuar së fundmi në lagjet Fanaj dhe Balaj të Prapashticës.
Sipas një postimi në Facebook, plani dinamik i kontratës kishte paraparë 120 ditë pune për shtrimin e këtyre rrugëve.
“Mirëpo angazhimi i Drejtorisë për Investime Kapitale dhe Menaxhim të Kontratave, si dhe i kompanisë përgjegjëse, ka bërë që projekti të përfundojë para kohe, për vetëm 79 ditë pune”, theksohet në njoftim.