Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit shqyrton Projektligjin për Policinë Ushtarake të Forcës së Sigurisë së Kosovës. (Kuvendi i Kosovës, N204) ***Ngjarja mbulohet me kamerë nga EO.
Vazhdon procesi gjyqësor ndaj Salih Mustafës. (Hagë) ***Transmetim “live” në faqen e Facebookut të Ekonomia Online.
Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione mban tryezën me temën “Afër dy dekada e gjysmë pas luftës, cili është fati i personave të pagjetur”? (Kuvendi i Kosovës, N506) ***Ngjarja mbulohet me kamerë nga EO.
Komisioni për Buxhet, Punë dhe Transfere shqyrton Raportin Vjetor Financiar të Zyrës Kombëtare të Auditimit – ZKA. (Kuvendi i Kosovës, C203)
Rrjeti CSR Kosova, në bashkëpunim me Këshillin për Zhvillim të Qëndrueshëm, organizon tryezën e diskutimit rreth Kontributit të Sektorit Privat për të Mirën Kolektive (CSR) dhe progresin social-ekonomik në vend. (Hotel “Sirius”, Prishtinë)
ACCESS organizon konferencën me temën “Siguria kibernetike, identifikimi elektronik dhe digjitalizimi i shërbimeve postare”. (Hotel “Prishtina”, Pejton)
Ministri i Bujqësisë, Pylltarisë dhe Zhvillimit Rural, Faton Peci, pret në një takim ministren e Bujqësisë dhe të Zhvillimit Rural të Republikës së Shqipërisë, Frida Krifca. (Ndërtesa e MBPZhR-së, Rr. “Ukshin Hoti”, Prishtinë) ***Ngjarja mbulohet me kamerë nga EO.
Ministrja e Drejtësisë, Albulena Haxhiu, raporton në Komisionin për Integrim Evropian. (Kuvendi i Kosovës, N10) ***Ngjarja mbulohet me kamerë nga EO.
Lidhja Demokratike e Kosovës mban konferencë për medie. (Selia qendrore e LDK-së) ***Ngjarja mbulohet me kamerë nga EO.
Promovohen librat “Udhëkryqi”, “Përflakje e stuhi” dhe “Florë motër Doruntinë”. (Biblioteka
Kombëtare “Pjetër Bogdani”, Prishtinë)
Qendra e Lëvizjes Vetëvendosje në Mitrovicë mban konferencë për medie. (Zyrat e LV-së, rr. “Skënderbeu”, Mitrovicë)
Komisioni për Buxhet, Punë dhe Transfere shqyrton ndryshim-plotësimin e Ligjit për financimin e subjekteve politike. (Kuvendi i Kosovës, N506) ***Ngjarja mbulohet me kamerë nga EO.
Prezantohen të gjeturat e hulumtimit të realizuar nga Shoqata e Përpunuesve të Pemëve dhe Perimeve “PePeKo” për vlerësimin e zhvillimit të industrisë së përpunimit për vitin 2021, përfshirë fuqinë punëtore, shitjet dhe standardet e sigurisë ushqimore. (Hotel “Nartel”, Kalabri)
Këshilli Gjyqësor i Kosovës (KGJK), mban mbledhje të jashtëzakonshme me anëtarët e tij për të diskutuar çështje urgjente. Pikë e rendit të ditës është përzgjedhja dhe emërimi i Kryetarit të Gjykatës Themelore në Gjilan dhe caktimi i Komisionit Vlerësues për rekrutimin e gjyqtarëve në Gjykatën Komerciale. (Këshilli Gjyqësor i Kosovës)
Promovohet libri “50 Vjet Marrëdhënie me Jashtë” i autorit, ambasador Dashnor Dervishi. Marrin pjesë kryeministri i Albin Kurti, rektori i Universitetit të Prishtinës “Hasan Prishtina”, Naser Sahiti dhe ambasadori i Shqipërisë në Kosovë Qemal Minxhozi. (Rektorati i UP-së)
