Ministria e Kulturës, Rinisë dhe Sportit në bashkëpunim me Komitetin Olimpik të Kosovës organizon Tryezën e Dytë të Sportit, me ç’rast do të diskutohen tema të ndryshme që ndërlidhen me çështje aktuale sportive në interes të vendit. (Hotel “Emerald”, Prishtinë)
Grupi Parlamentar i AAK-së zhvillon takim me Zyrën e Rregullatorit për Energji (ZRrE), për të diskutuar për çështjet që ndërlidhen me krizën energjetike në vend. (Zyrat e ZRRE-së) ***Ngjarja mbulohet me kamerë nga EO.
Komisioni për Shëndetësi dhe Mirëqenie Sociale takohet me drejtorin e Shërbimit Spitalor, Klinik, Universitar të Kosovës dhe me drejtorin e Fondit për Sigurime Shëndetësore. (Ndërtesa e Kuvendit, salla N303) ***Ngjarja mbulohet me kamerë nga EO.
Këshilli i Mediave të Shkruara të Kosovës (KMShK) prezanton raportin hulumtues “Keqinformimi, dezinformimi dhe lajmet e rreme në mediat online në Kosovë”. (Restorant ”Rings”, Prishtinë) ***Ngjarja mbulohet me kamerë nga EO.
Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit Rregullativ të Komunikimeve Elektronike dhe Postare, për vitin 2021. (Ndërtesa e Kuvendit, salla N10) ***Ngjarja mbulohet me kamerë nga EO.
Komisioni ad-hoc për përzgjedhjen e kandidatëve për një anëtar të Bordit të RTK-së, nga radhët e komunitetit shqiptar shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla N302)
