Koalicioni i OJQ–ve për Mbrojtjen e Fëmijëve në Kosovë (KOMF) publikon Raportin e Monitorimit “Karta e Vlerësimit” – Cili është rezultati i përgjithshëm i Kosovës për kujdesin ndaj fëmijëve? Merr pjesë dhe kryeministri Albin Kurti. (Ndërtesa e Qeverisë, salla 38) ***Mbulohet me kamerë nga EO.
Ministria e Industrisë, Ndërmarrësisë dhe Tregtisë (MINT) organizon Konferencë për Turizmin e Qëndrueshëm, ku do të prezantohet një raport gjithëpërfshirës hulumtues mbi turizmin e qëndrueshëm në Kosovë. (Hotel “Emerald”)
Mbahet seanca gjyqësore ndaj Nagip Krasniqit, i akuzuar për keqpërdorim detyre në dëm të KEK-ut në vlerë rreth 3 milionë e 230 mijë euro. (Gjykata Themelore, Prishtinë) ***Mbulohet me kamerë nga EO.
Përurohet Qendra Kulturore në Llukar. (Fshati Llukar, Prishtinë)
Kryeministri i Republikës së Kosovës, Albin Kurti, merr pjesë në mbledhjen e Këshillit Kombëtar për Ekonomi dhe Investime. (Hotel “Emerald”) ***Mbulohet me kamerë nga EO.
Ministri i Mbrojtjes, Ejup Maqedonci, raporton në Komisionin për Çështje të Sigurisë dhe Mbrojtjes. (Kuvendi i Kosovës, C203) ***Mbulohet me kamerë nga EO.
Komisioni Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të MPJD-së harton listën e dëshmitarëve për intervistim në komision. (Kuvendi i Kosovës, N302)
Komisioni për Mbikëqyrjen e Financave Publike shqyrton raportet e auditimit për pasqyrat vjetore financiare për Këshillin e Pavarur Mbikëqyrës të Shërbimit Civil dhe për Komisionin Rregullativ të Prokurimit Publik etj. (Kuvendi i Kosovës, N303)
Komisioni për Ekonomi, Industri, Ndërmarrësi dhe Tregti formon panelin për procesin e intervistimit për zgjedhjen e kryesuesit të Komisionit Shqyrtues në Autoritetin Rregullator për Shërbimet e Ujit. (Kuvendi i Kosovës, N10)
Komisioni për të Drejtat dhe Interesat e Komuniteteve dhe Kthim shqyrton disa projektligje. (Kuvendi i Kosovës, N204)
Akademia e Shkencave dhe të Arteve të Kosovës (AShAK) mban mbledhje komemorative për nder të akademikut dhe piktorit Tahir Emra, i cili u nda dje nga jeta. Ndërsa nga ora 11:30 mbahen homazhet. (Ndërtesa e AShAK)
Kryeministri Albin Kurti, së bashku me ministrat Elbert Krasniqi dhe Hekuran Murati, mbajnë takim me kryetarët e komunave për koordinim ndërinstitucional për Strategjinë Kombëtare për menaxhimin dhe kontrollin e qenve; ndërlidhjen qytetarëve me adresë zyrtare; Kontratën Kolektive etj. (Hotel “Garden”, Prishtinë) ***Mbulohet me kamerë nga EO.
Komisioni për Mjedis, Ushqim, Bujqësi, Planifikim dhe Zhvillim shqyrton Draft-Planin e punës për sesionin vjeshtor 2024. (Kuvendi i Kosovës, N225)
Procesi gjyqësor në rastin Januzi dhe të tjerët – konferenca përgatitore për gjykim. (Hagë)
Mbahen homazhe për nder të akademikut dhe piktorit të ndjerë Tahir Emra. Ndërsa nga ora 16:00 mbahet ceremonia e varrimit. (Varrezat e qytetit, Gjakovë)
Demokraci për Zhvillim (D4D) mban sallonin e së martës me temën “Si mund të ndihmojë AI në zhvillimin e aftësive për të rritur konkurrueshmërinë dixhitale dhe ulur pabarazitë shoqërore?”. (Libraria “Dukagjini”, Prishtinë) ***Transmetohet “live” në faqet e Facebookut të EO dhe D4D.
Hapet edicioni i 4-të i Festivalit të Filmit Sportiv “Prishtina 2024”, i cili organizohet nga Komiteti Olimpik i Kosovës. (Kino “Armata”, Prishtinë)
