Hapet Forumi i parë i Biznesit Kosovë – Portugali. Në hapje marrin pjesë ministrja e Punëve të Jashtme, Donika Gërvalla-Schwarz dhe nënkryetari i Kuvendit të Portugalisë, Marcos Perestrello. Me këtë rast do të nënshkruhet dhe një Memorandum Bashkëpunimi ndërmjet Odës Ekonomike të Kosovës dhe Asociacionit të Bizneseve të Minho-s. (Hotel “Emerad”) ***Mbulohet me kamerë nga EO.
Komisioni për të Drejtat e Njeriut… diskuton lidhur me mbikëqyrjen e zbatimit të Ligjit për statusin dhe të drejtat e personave paraplegjikë dhe tetraplegjikë. (Kuvendi i Kosovës, N10)
Kompania Rajonale e Ujësjellësit “Prishtina” zhvillon aksion të madh me disa ekipe të shkyçjes dhe inspektorë, me fokus konsumatorët që kanë borxhe të mëdha në lagjen Veternik. (Nisja bëhet nga objekti i KRU “Prishtina”) ***Mbulohet me kamerë nga EO.
Kuvendi i Komunës së Podujevës mban mbledhje solemne për nder të 19 Qershorit – Ditës së Çlirimit të Podujevës. Me këtë rast do të bëhet dhe ndarja e dekoratës Qytetare Nderi për ish-eurodeputeten Doris Pack; si dhe e mirënjohjes për Ertan Xhihiq për kontributin e tij në sportin llapjan. (Teatri i Qytetit “Avdush Hasani”, Podujevë)
Universiteti i Shkencave të Aplikuara (UShA) në Ferizaj organizon tryezën shkencore me temën “Ndikimi dhe përparësitë e ekonomisë rrethore në afarizmin e bizneseve”. (UShA, Ferizaj)
Zëvendëskryeministri i Kosovës, Besnik Bislimi, raporton në Komisioni për Integrime Evropiane, rreth Programit Kombëtar për Integrim Evropian (PKIE) 2024-2028. (Kuvendi i Kosovës, salla C203) ***Mbulohet me kamerë nga EO.
Komisioni për Buxhet, Punë dhe Transfere shqyrton kërkesën buxhetore të Kuvendit të Kosovës për vitin 2025, në bazë të Qarkores së parë buxhetore të MFPT-së; si dhe raportet vjetore financiare të RTK-së dhe të Komisionit Rregullativ të Prokurimit Publik. (Kuvendi i Kosovës, salla C203) ***Mbulohet me kamerë nga EO.
Hapet ekspozita e projektit “Empty Bowl” me punët e realizuara nga pjesëmarrësit e OJQ “Autizmi”. (Studioja e qeramikës “Ura”, Bregu i Diellit)
Ministrja e Arsimit, Shkencës, Teknologjisë dhe Inovacionit, Arbërie Nagavci dhe kryetari i komunës së Shtimes, Qemajl Aliu, bëjnë hapjen zyrtare të Observatorit dhe Planetariumit Kombëtar në Republikën e Kosovës. (Rashnicë, Shtime)
Mbahet konferenca përmbyllëse e Programit të Bashkimit Evropian për Sektorin e Drejtësisë në Kosovë – EUKOJUST. (Hotel “Swiss Diamond”, Prishtinë) ***Mbulohet me kamerë nga EO.
16:30 – Fjalimet hyrëse: Tomáš Szunyog, ambasadori i BE-së në Kosovë; Albulena Haxhiu, ministre e Drejtësisë; Benjamin Strasser, sekretar Parlamentar i Shtetit, Ministria Federale e Drejtësisë.
16:50 – Prezantimi i arritjeve të EUKOJUST: Fondacioni Gjerman për Bashkëpunim Juridik Ndërkombëtar – IRZ.
17:10 – Panel diskutimi: “Një sistem i drejtësisë më i shpejtë me mjete digjitale”. Marrin pjesë: Danijela Barišić, ambasadore e Kroacisë në Kosovë; Albulena Haxhiu, ministre e Drejtësisë; Ardian Hajdaraj, kryesues i Këshillit Prokurorial; Albert Zogaj, kryesues i Këshillit Gjyqësor etj.
17:35 – Panel diskutimi: “Një kornizë më e mirë ligjore për t’u përgatitur për përafrim me acquis të BE-së”. Marrin pjesë: Carin Lobbezoo, ambasadore e Holandës; Jörn Rohde, ambasador i Gjermanisë etj.
Oda e Hotelerisë dhe Turizmit të Kosovës (OHTK) shënon katërvjetorin e themelimit. (Salla e Kuqe e Pallatit të Rinisë) ***Mbulohet me kamerë nga EO.
Promovohet libri “Shqiptarët dhe serbët – E vërteta kundër të pavërtetës”, e autorit Shyqri Nimani. (Galeria Kombëtare e Kosovës)
PLAY International organizon Gala Mbrëmje në përvjetorin e 25-të. (Salla AMC, Prishtinë)
Kori i Filharmonisë së Kosovës do të mbajë koncertin përmbyllës me program “a capella” për sezonin 2023/2024. Koncerti organizohet në kuadër të Forumit Ekonomik Kosovë – Portugali. (Kisha katolike “Shën Ndou”, Prishtinë)
