Inaugurohet objekti i ri i Departamentit për Prodhimin e Dokumente, i cili funksionon në kuadër të Agjencisë për Regjistrim Civil. Marrin pjesë: Kryeministri Albin Kurti; ministri i Punëve të Brendshme, Xhelal Sveçla; dhe u.d. i drejtorit të ARC-së, Blerim Camaj. (Aneksi i ish-Rilindjes, ish-objekti i RTV21) ***Mbulohet me kamerë nga EO.
Zv.kryeministri për Dialog, Besnik Bislimi, pret në takim përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak, me të cilin do të diskutohet për ecjen përpara me zbatimin e Marrëveshjes Bazike. (Ndërtesa e Qeverisë) ***Mbulohet me kamerë nga EO.
Komisioni për Integrime Evropiane shqyrton Projektligjin nr.08/L-258 për promovimin e përdorimit të burimeve të ripërtritshme të energjisë, me amendamentet e Komisionit funksional nga aspekti i përputhshmërisë me legjislacionin e BE-së. (Kuvend, N10)
Mbahet Seancë solemne e Kuvendit Komunal në Skenderaj. (Salla e Kuvendit)
Kuvendi i Kosovës mban seancë solemne, me rastin e 26-vjetorit të Epopesë së Ushtrisë Çlirimtare të Kosovës. Merr pjesë dhe presidentja Vjosa Osmani. (Ndërtesa e Kuvendit) ***Mbulohet me kamerë nga EO.
Kuvendi Komunal i Prishtinës mban seancë solemne, për nder të Epopesë së UÇK-së. (Salla e Kuvendit Komunal të Kryeqytetit)
Kuvendi Komunal i Vushtrrisë mban seancë solemne, për nder të Epopesë së UÇK-së. (Kuvendi Komunal, Vushtrri)
Ministria e Mbrojtjes organizon këto aktivitete për shënimin e “Epopesë së UÇK-së” (Vendi: Kazerma “Adem Jashari” në Prishtinë)
Agjenda:
11:30 – 12:00 – Pritja e mysafirëve;
12:00 – Fillimi i ceremonisë (Raportimi për rreshtimin e kuadrateve para Presidentes);
12:03 – Inspektimi i kuadrateve nga Presidentja dhe Komandanti i FSK-së.
12:05 – Bendi Frymor i FSK-së luan himnin Shtetëror dhe Kombëtar;
12:10 – Homazhe pranë Obeliskut të UÇK-së në Kazermën “Adem Jashari”;
12:15 – Fjalimi i Presidentes së Republikës së Kosovës;
12:25 – Fjalimi i Kryeministrit të Qeverisë së Republikës së Kosovës;
12:35 – Fjalimi i përfaqësuesit të Familjes Jashari;
12:40 – Pjesë artistike nga Bendi Frymor;
12:50 – Mbyllja e ceremonisë.
***Mbulohet me kamerë nga EO.
Kryetari i Aleancës për Ardhmërinë e Kosovës, Ramush Haradinaj, bën homazhe në nderim të luftës dhe sakrificës së Komandantit legjendar Adem Jashari dhe familjes Jashari. (Kompleksi Memorial “Adem Jashari”, Prekaz)
Lidhja e Shkrimtarëve e Kosovës (LShK) organizon akademinë letrare-artistike “Ora e Lirisë”. Me këtë rast, juria letrare do të japë çmimin tradicional letrar “Adem Demaçi”. (Lokalet e LSHK-së, Mahalla e Muhaxherëve)
Komuna e Malishevës nis lirimin e hapësirave publike në segmentet rrugore që preken nga projekti i ndërtimit të sheshit së bashku me parkingun nëntokësor. Prezent do të jetë edhe kryetari i Komunës, Ekrem Kastrati. (Rr. “Ibrahim Mazreku”, në qendër të Malishevës)
Zbulohet Pllaka shtëpi Bazë e UÇK-së, Kjo ceremoni është organizuar, nga Organizata e Veteranëve të Luftës të UÇK-së, dega në Skenderaj, në bashkpunim me komunën e Skenderajt. (Lagja Hoti, Buroj në Skenderaj)
Presidentja Vjosa Osmani Sadriu pret në takim Ndihmës Administratoren e USAID-it, Erin E. McKee. Mediet mund të marrin pamje në fillim nga takimi, ndërsa pas takimit Osmani dhe McKee deklarohen për medie. (Kabineti i Presidentes) ***Mbulohet me kamerë nga EO.
Mbahet mbledhja e Qeverisë së Kosovës. (Ndërtesa e Qeverisë) ***Mbulohet me kamerë nga EO.
Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, diskuton rreth kërkesave për sjellje të dokumentacionit. (Kuvend, N302) ***Mbulohet me kamerë nga EO.
Qendra “Libart” organizon diskutim me profesorët Bardh Rugova dhe Lindita Tahiri rreth temës “Relativiteti gjuhësor dhe pse duhet të lexojmë”. (Objekti i bibliotekës “Hivzi Sulejmani” në lagjen Dardania)
Gjysmëfinalet e turneut “Adem Jashari” në futsall, edicioni i 16-të. (Palestra “Ilaz Kodra” në Skenderaj)
