Mbahet dita e dytë e Kongresit të Katërt Klinik të Kolegjit të Kirurgëve të Kosovës. (Klan Arena, Prishtinë)
Mbahet dita e dytë e Kongresit të Katërt Klinik të Kolegjit të Kirurgëve të Kosovës. (Klan Arena, Prishtinë)
Instituti për trajnim dhe zhvillim ekonomik ITED dhe Solidar Suisse organizojnë eventin ProSkills2. (Hotel “Emerald”, Prishtinë)
AVONET së bashku me përfaqësuesit e punojësve të Çerdhes Engjujt dhe përfaqësuesit e prindërve organizojnë performancë në Sallën e Kuvendit Komunal të Ferizajt. (Kuvendit Komunal, Ferizaj)
Unioni i Turizmit të Kosovës në bashkëpunim me Zyrën e Kryeministrit organizon konferencën ndërkombëtare “Turizmi dhe Paqja, bashkëpunimi dhe koordinimi në mes Kosovës dhe shteteve pjesëmarrëse”. (Hotel “Emerald”)
Në ditën e tretë të Festivalit Femart – Mbahet punëtoria “Arti, aktivizmi dhe barazia: Lidhja e gjinisë dhe ndërtimit të paqes”. (Teatri “Dodona”, salla B, Prishtinë)
Instituti GAP prezanton të dhënat mbi progresin e kryetarëve të komunave të Kosovës në përmbushjen e premtimeve zgjedhore deri në muajin qershor 2024. (Hotel “Swiss Diamond”, Prishtinë) ***Mbulohet me kamerë nga EO.
Grupi Parlamentar i AAK-së mban konferencë për medie. (Holli i Kuvendit të Kosovës) ***Mbulohet me kamerë nga EO.
Instituti Demokratik i Kosovës (KDI) mban tryezë diskutimi, ku do të prezantohet raporti “(MOS) Zbatimi i Ligjit për Mbrojtjen e Sinjalizuesve në ndërmarrjet publike qendrore në Kosovë”. (Hotel “Sirius”, Prishtinë) ***Mbulohet me kamerë nga EO.
Komiteti Olimpik i Kosovës (KOK) në bashkëpunim me MKRS-në organizojnë “Forumin e Sportit”, në kuadër të aktiviteteve të Javës Evropiane të Sportit. (Hotel “Swiss Diamond”, Prishtinë) ***Mbulohet me kamerë nga EO.
Organizata “Zëri i Romëve, Ashkalive dhe Egjiptianëve” organizon vizitë informuese në lagjet 028 dhe 029 të Fushë-Kosovës, ku po zhvillohet një projekt që do të përmirësojë kushtet e banimit për këto komunitete. (Lagjet 028 dhe 029, Fushë-Kosovë)
Në Ditën Botërore të Turizmit, Ministria e Industrisë, Ndërmarrësisë dhe Tregtisë organizon aktivitete për promovimin e turizmit. (Guri i Zi, Zapluxhë, komuna e Dragashit)
Serbët e veriut do të protestojnë para stacionit të policisë në Zubin Potok. (Stacionit i Policisë, Zubin Potok)
Në ditën e tretë të Festivalit Femart – Mbahet diskutimi feminist “Përtej barrierave: gjithëpërfshirja në kulturë dhe art”. (Instituti francez, Pejton, Prishtinë) ***Mbulohet me kamerë nga EO.
Organizata “EcoKosWomen” organizon një ngjarje vetëdijesuese për rolin e grave në shoqëri, duke nxitur ndryshime pozitive që kontribuojnë në fuqizimin ekonomik të grave, dhe njëkohësisht avancojnë barazinë gjinore në Kosovë. (Sheshi “Skënderbeu”, Prishtinë) ***Mbulohet me kamerë nga EO.
Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 diskuton lidhur me dinamikën e intervistimit të dëshmitarëve. (Kuvendi i Kosovës, N204) ***Mbulohet me kamerë nga EO.
Zyra për Qeverisje të Mirë në kuadër të Zyrës së Kryeministrit dhe Shoqata Kosovare e të Shurdhërve, organizojnë konferencën për shënimin e Javës Ndërkombëtare të Shurdhërve dhe Ditës Ndërkombëtare të Gjuhës së Shenjave, me moton “Me shenja për të drejtat e gjuhës së shenjave”. (Ndërtesa e Qeverisë, salla P38) ***Mbulohet me kamerë nga EO.
Ambasada e Japonisë në Kosovë mban ceremoninë e ndarjes së çmimit të lavdërimit për dirigjentin japonez Toshio Yanagisawa. (Pallati i Rinisë dhe Sporteve, atelie pranë Sallës së Kuqe, Prishtinë) ***Mbulohet me kamerë nga EO.
Në ditën e tretë të Festivalit Femart – organizohet pritje nga Ambasada gjermane në Prishtinë. (Kinemaja “Armata” Prishtinë)
Prokuroria Themelore në Pejë, mban konferencë për media, lidhur me aksionin e zhvilluar me rastin e sekuestrimit të drogës. (Pjesa malore e fshatrave Kliçin dhe Sferkë)