Kryetari i Kuvendit të Kosovës, Glauk Konjufca, pret në takim një delegacion të Komisionit të Partneritetit për Demokraci (House Democracy Partnership-HDP) të Kongresit të ShBA-së. (Kabineti i kryetarit të Kuvendit) ***Ngjarja mbulohet me kamerë nga EO.
Organizata “Islamic Relief Kosova” bën shpërndarjen e granteve në kuadër të projektit të edukimit dhe ndërmarrësisë (Hotel “Sirius”, Prishtinë) ***Ngjarja mbulohet me kamerë nga EO.
Ministrja e Arsimit, Arbërie Nagavci; shefi i Zyrës së BE-së, Tomáš Szunyog, si dhe Mimika Dobroshi nga Zyra e Erasmus+ në Kosovë, do të mbajnë konferencë të përbashkët për medie, ku do të flasin për rezultatet e projekteve për ngritje të kapaciteteve në arsimin e lartë dhe në arsimin profesional (për thirrjen e vitit 2022), si dhe projektet nga Kosova që janë përzgjedhur për financim nga Komisioni Evropian. (MAShTI, kati I) ***Ngjarja mbulohet me kamerë nga EO.
Instituti Riinvest mban diskutimin me temën “Bashkëpunimi i Kosovës dhe Shqipërisë në fushën e energjisë: Si të përfitohet më shumë nga komplementariteti?” në kuadër të serisë së debateve “Green Talks”. (Zyrat e Institutit “Riinvest”, Prishtinë) ***Ngjarja mbulohet me kamerë nga EO.
Këshilli për Zhvillim të Qëndrueshëm, në bashkëpunim me Fondin për Popullsi të Kombeve të Bashkuara (UNFPA) mbajnë tryezë diskutimi rreth Perspektivës Demografike të Kosovës në Botën e Mundësive të Pafundme. Merr pjesë dhe kryetari i Kuvendit, Glauk Konjufca. (Ndërtesa e Kuvendit, N506) ***Ngjarja mbulohet me kamerë nga EO.
Aleanca për Ardhmërinë e Kosovës (AAK) mban konferencë për medie. (Oborri i Kuvendit të Kosovës)
Komisioni për Punë të Jashtme dhe Diasporë shqyrton Projektligjin për Zbatimin e Sanksioneve Financiare Ndërkombëtare të Shënjestruara. (Ndërtesa e Kuvendit, C203)
Byroja Kosovare e Sigurimeve (BKS), në kuadër të shënimit të Javës për përkujtimin e viktimave në trafikun rrugor, viziton Gjimnazin “Sami Frashëri” dhe shkollën e mese teknike “Ahmet Gashi”. (Gjimnazi “Sami Frashëri” / Shkolla “Ahmet Gashi”)
Komisioni për Ekonomi, Industri, Ndërmarrësi dhe Tregti diskuton me auditorë të Zyrës Kombëtare të Auditimit (ZKA) lidhur me auditimin “Ndikimi i investimeve kapitale në zvogëlimin e humbjeve të ujit dhe përmirësimin e shërbimeve në KRU-të”. (Ndërtesa e Kuvendit, N10)
Në Komisionin për Arsim, Shkencë, Teknologji, Inovacion, Kulturё, Rini dhe Sport raporton ministrja e Arsimit, Arbërie Nagavci, lidhur me punën, prioritetet dhe sfidat e MAShTI-t. (Ndërtesa e Kuvendit, N303)
Komisioni për Mbikëqyrjen e Financave Publike shqyrton Planin vVetor të Auditimit për sezonin 2022-23. E ftuar është Vlora Spanca, Auditore e Përgjithshme. (Ndërtesa e Kuvendit, salla N302)
Bëhet promovimi i librit të autores Dr. Anna Kohen “Lulja e Vlorës”. Autorja është hebreje e lindur në Vlorë, e cila me vonë shpërngulet në SHBA. Familja e saj ishte shpëtuar nga familje shqiptare gjatë Luftës së Dytë Botërore. (Biblioteka Kombëtare, Prishtinë)
Organizata Studentore “Reforma”, mban një aktivitet simbolik pas zhvillimeve në Universitetin e Prishtinës “Hasan Prishtina”. (Para Rektoratit të UP-së) ***Ngjarja mbulohet me kamerë nga EO.
Kombëtarja e Kosovës dhe e Armenisë zhvillojnë këto aktivitete para ndeshjes:
Agjenda:
16:00 – Konferenca e Kombëtares së Kosovës.
16:30 – Stërvitja zyrtare e Kombëtares së Kosovës.
17:30 – Konferenca e Kombëtares së Armenisë.
18:00 – Stërvitja zyrtare e Kombëtares së Armenisë. (Stadiumi “Fadil Vokrri”)
Kuvendi i Sociologjisë dhe Instituti për Politika Sociale “Musine Kokalari” organizojnë diskutim publik me studiuesen Nathalie Clayer dhe me botuesin e saj në gjuhën shqipe, shkrimtarin e publicistin, Fatos Lubonja. (Fakulteti Filozofik i UP-së, salla 14)
