Banka Qendrore e Republikës së Kosovës (BQK) dhe Banka Evropiane për Rindërtim dhe Zhvillim (BERZH), së bashku me iniciativën WE për Gratë Sipërmarrëse në Kosovë, organizojnë ngjarjen e lansimit të Kodit “WE Finance”. Merr pjesë edhe Presidentja Vjosa Osmani. (Hotel “Swiss Diamond”, Prishtinë) ***Mbulohet me kamerë nga EO.
Mbahet Tryeza e Dialogut Ndërfetar, merr pjesë kryeministri i Kosovës, Albin Kurti dhe presidentja Vjosa Osmani. (Qendra Bogdanipolis, në objektin e Katedrales Nënë Tereza) ***Mbulohet me kamerë nga EO.
Princeton School of Prishtina organizon “Festivalin e Recitatorëve”, ku do të marrin pjesë shkollat fillore dhe të mesme të ulëta të Komunës së Prishtinës. (Amfiteatrin e Bibliotekës Qendrore Universitare)
Drejtoria e Parqeve, në bashkëpunim me fëmijët nga “Klubi i Gjelbër” i shkollës fillore “Elena Gjika” dhe NPL “Gjelbër”, organizon aktivitetin e mbjelljes së luleve sezonale për të shënuar Ditën e Pranverës. (Parku i Qytetit)
Shënohet Dita Ndërkombëtare e Pyjeve me temën “Pyjet dhe ushqimi.” Merr pjesë ministri në detyrë i Bujqësisë Faton Peci. (Parku i Pishave Sllatinë) ***Mbulohet me kamerë nga EO.
Lidhja e Shkrimtarëve e Kosovës, më 21 Mars – Ditën botërore të poezisë, organizon një takim letrar, ku do të lexojnë anëtarët e rregullt të LSHK-së dhe anëtarët e rinj. (Zyrat e LSHK)
Shoqata e Bankave të Kosovës (SHBK), shënojë edicionin e 13-të të Javës Ndërkombëtare të Parasë me një sërë aktivitetesh edukative për fëmijët e ciklit fillor. (Shkolla fillore “Gjon Serreqi”, Ferizaj)
Ambasada e Francës dhe Instituti Francez hapin edicionin e 25-të të Javës së Frankofonisë. (Teatri Oda, Prishtinë)
